Ako te ni na internetu, kodi da te ni! Čitamo na vašoj spletnici. Kaj to onda znači da nas ni zato kaj se nismo dugo oglasili iz parlamenta? A mi redovito zasidamo i čuda tega smo pospravili. I vas pratimo. Bome i probleme celega svita. Uvik se nigdo najde koji sve zna. A i ženski rod je dobro zastupljen. I glasan. I mladi, i oni su vridni, čuda put i do glibokega mraka zasidadu.

Iz parlamenta stalno suklja dim i svidoči da smo u sporazumu. A ti koji pušidu ko turčini, velidu da su ovi današnji najbolji sinovi poharačili majku domovinu više nego Turci...(Palica ji jeknila!)

Nato je dotekal, sav zadihan, mladi parlamentarac i obznanil:

- Ljudi, Preloka si je imala 100.000 obiskovalcov...

- Ne divani tega! Kamo bi stali? Znaš kuliko ji je bilo onda na Kalu? Ni jedna hiljada, i to s našom Marom batinarkom, a Kal je bil pun.

- Al to vam je na internetu, oni preko tega sve saznadu i vide kaj se dogodilo. Više suseda ne mora teč u selo: Joj, dal znate kaj je novega? Ste čuli ovo ili ono...

- Dal oni tako, preko tega, znadu više nego kaj je istina? Vidiš, onem preločkem kmetu su preko tega interneta prisvojili brezice i metnili ji u galeriju pa sad nima kadi kosit stelju, a pri nam u Dubravi stelje kuliko ti mila volja. Neka si dojde to pokosit, makar preko interneta, ako nemore preko mosta.

- I tršće! I tršće priliško, si vidil na sliki? Kod to bože da je iza njega skrita Trojica. Ha, divani se da bu to išlo na sud u Štrasburg. Velidu da dokumente nisu  potrdili ovi kaj su delali pretvorbe, pa bi se tršče moglo povrnit negdašnjem vlasniku, barem samo za trgatvu...

  Oni u čošku do štacuna počeli su pivat: Kopa cura vinograd. Ali to je težak posal pa su brzo odustali...

- Tako, tako, neka bude sve lipo po dogovoru i onda nam ni triba one arbitraže, oko koje su se dobrosusedske Vlade pravo lipo sporazumile.

- Na leto, kada bu taj Šengenski pik-niK na Kupi, doli bi mi onda brzo rešili i arbitražu.

- Kaj nebi bilo dobro da Preločani ponove gaz preko Kupe?

- Misliš zbog demižonki? Ili zbog podvezic?

- Nu ti muči! Zbog scenarija! I neka dojdu svi ti njihovi obiskovalci. Kada 100.000 ljudi pregazi šengensku meju, nebu od nje više niš ostalo!

Okolo jednega smo se svi složili: Preloka je čudo! Nevjerojatno zvuči tako velika brojka u odnosu na broj Vas, koji živite u Preloki i okolici. A Vi koji to stvarate,  već ste počasni člani Priliškega parlamenta! Svima Vam čestitamo i poručujemo da i mi pomalo guramo taj brojčanik. Pozdravljeni!

Miko, Jože, Mate - Mare, Bare, Kate...

(PS: Smo sad na internetu? Znači – postojimo!)

Iznad šengenske zavese